اسلام آباد (رپورٹنگ آن لائن)وزیر مملکت برائے خزانہ بلال اظہر کیانی نے کہا ہے کہ ہم عوام کے ساتھ وہ نہیں کریں گے جو پی ٹی آئی کی حکومت نے کیا ،حکومت نے محدود وسائل کے باوجود سولر کی حوصلہ افزائی کی ہے۔جمعے کووقفہ سولات کے دوران ثمینہ خالد گھرکی نے سوال کیا کہ سولر کی امپورٹ میں انڈر انوائسنگ کے کیسز کو کیسے چیک کیا جاتا ہے۔
جواب میں بلال اظہر کیانی نے کہا کہ ایف بی آر کے مطابق سولر میں انڈر انوائسنگ نہیں کی گئی۔شہریار آفریدی نے سوال کیا کہ حکومت عام آدمی کو سولر میں کیا ریلیف دینے جا رہی ہے۔بلال اظہر کیانی نے کہا کہ ہم عوام کے ساتھ وہ نہیں کرنے جا رہے جو آپ کی حکومت نے کیا تھا۔ انہوں نے بتایا کہ حکومت سولر کی حوصلہ افزائی کر رہی ہے،محدود وسائل کے باوجود 129 ارب کی سبسڈی دی۔
