دبئی (رپورٹنگ آن لائن) بالی ووڈ پروڈیوسر اور ہدایتکارہ فرح خان کا کہنا ہے کہ کرن جوہر ریڈ کارپٹ پر فانوس کی طرح نظر آتے ہیں۔ فلمساز فرح خان اور کرن جوہر جب بھی ایک دوسرے کے فیشن کے انتخاب اور کپڑوں پر بات کرتے ہیں تو وہ ایک دوسرے پر مزاحیہ انداز میں طنزیہ تبصرے کرتے ہیں۔
بھارتی میڈیا رپورٹ کے مطابق حال ہی میں فرح خان نے میڈیا سے بات کرتے ہوئے کرن جوہر کو اپنا ریڈ کارپٹ کا ڈرانا ترین خواب قرار دے دیا۔ فرح خان کا کہنا تھا کہ میرا ریڈ کارپٹ کے بارے میں ایک ڈرانا ترین خواب ہے وہ کرن جوہر کو دیکھنا ہے جو ریڈ کارپٹ پر فانوس کی طرح نظر آتے ہیں۔ فرح نے کرن جوہر کے فیشن اور اسٹائل پر مزید طنز کرتے ہوئے کہا کہ کرن جوہر بیک گرانڈ ڈانسرز کی طرح کپڑے پہنتے ہیں۔
