لاہور(رپورٹنگ آن لائن)وزیراعلی پنجاب مریم نواز شریف نے 167 سال بعد مری کے تاریخی مال روڈ کی توسیع اور بحالی کے بڑے منصوبے کی اصولی منظوری دے دیا.
ـ 550 ملین روپے کی لاگت سے منصوبے پر والڈ سٹی اتھارٹی لاہور عملدرآمد کرا ئے گی،ماہرین کی مدد سے مری کو اس کے قدیمی حسن کے مطابق بحال کرے گیـمنصوبہ پاکستان مسلم لیگ (ن)کے صدر اور سابق وزیراعظم محمد نواز شریف کے مری ٹورازم ڈویلپمنٹ پلان کاحصہ ہے ـ
والڈ سٹی اتھارٹی لاہور مری کی مقامی آبادی اور انتظامیہ کی مدد اور مشاورت سے پراجیکٹ کو پایہ تکمیل تک پہنچائے گی ـایک سال کے عرصے میں مری روڈ کی تاریخی خوبصورتی بحال کی جائے گیـتاریخی پیدل راستے بحال کئے جائیں گے، صفائی ستھرائی مثالی ہوگی اور سہولیات فراہم کی جائیں گیـمال روڈ پر موجود دکانوں اور عمارتوں کو قدیمی تعمیراتی انداز میں بحال کیا جائے گاـ
دکانوں اور عمارتوں پر لگے تشہیری بورڈ بھی ایک ہی شکل اور معیار کے ہوں گے ـعمارتوں کو تاریخی انداز کے برقی قمقموں سے روشن کیا جائے گاـ قدیم تاریخ کو زندہ کرتے ہوئے عوام کے بیٹھنے کے لئے پبلک سکوائر (چوراہا) بنایا جائے گاـسیاحوں اور عام عوام کی سہولت کے لیے معیاری واش رومز تعمیر ہوں گے ـوزیر اعلی مریم نواز شریف نے کہاکہ مری کی ماضی کی سیاحتی شان بحال کریں گےـ
معیارپر سمجھوتہ نہیں ہوگا، مری کو عالمی سیاحتی سہولیات کا مرکز بنانا ہےـ وزیراعلی مریم نواز شریف نے کہاکہ مری پاکستان اور پنجاب کی سیاحت کے فروغ کا ماڈل بنے گاـ گلاس ٹرین کا منصوبہ، جدید سہولیات سے آراستہ ہسپتال کی تعمیر اس منصوبے کو مزید چار چاند لگائے گیـپنجاب کی سینئر صوبائی وزیر مریم اورنگزیب مری ڈویلپمنٹ کمیٹی کی سٹیرنگ کمیٹی کی سربراہ ہیںـ
