واشنگٹن (رپورٹنگ آن لائن)امریکی محکمہ خارجہ کے علاقائی ترجمان “سام ویر برگ” نے انکشاف کیا ہے کہ امریکی صدر ڈونلڈ ٹرمپ اپنی متوقع دو روزہ خلیجی دورے کے دوران سعودی عرب، قطر اور متحدہ عرب امارات میں اعلی سطحی ملاقاتیں کریں گے جن میں علاقائی سلامتی، دفاع، توانائی، سرمایہ کاری اور باہمی چیلنجز سے نمٹنے کے لیے تعاون کو فروغ دینے جیسے اہم امور زیر بحث آئیں گے۔
میڈیارپورٹس کے مطابق محکمہ خارجہ کا کہناتھا کہ یہ دورہ اس بات کا مظہر ہے کہ امریکہ مشرقِ وسطی میں اپنے اسٹریٹیجک شراکت داروں کے ساتھ تعلقات کو کتنی اہمیت دیتا ہے۔ اس دوران مختلف فریقوں کے ساتھ امریکی مفادات اور خطے میں واشنگٹن کی نئی ترجیحات پر بھی روشنی ڈالی جائے گی۔
