اسلام آباد (رپورٹنگ آن لائن)وفاقی وزیراطلاعات و نشریات مریم اورنگزیب نے سابق وزیراعظم عمران خان کو عدالت جانے کا چیلنج دیتے ہوئے کہا ہے کہ عمران خان خان اینف از اینف ، فارن فنڈنگ ، کرپشن اور منی لانڈرنگ کا جواب تو دینا پڑے گا۔ اپنے بیان میں انہوںنے کہاکہ گھڑی عمران خان نے 2 کڑوڑ کی خریدی ، عمران خان نے ہینڈلرز کے ذرئیے 28 کڑوڑ کی بیچی ، پیسے منی لانڈر ہو کر پاکستان آئے اور پیسے ڈکلئیر نہیں کئے ۔ انہوںنے کہاکہ پاکستان ، دوبئی، مریخ یاپھر چاند جہاں کہیں بھی مقدمہ کریں ، رسیدیں تو وہاں بھی دینا پڑیں گی۔
انہوںنے کہاکہ بڑکیں نا ماریں سوال یہ ہے ، گھڑی دو کڑوڑ کی لی؟ 28 کڑوڑ کی بیچی؟ پیسے پاکستان فرح گوگی لائیں ؟ یسے ڈکلئیر نہیں کئے ؟ ۔ انہوںنے کہاکہ عمران خان اعلان نہ کریں ، عدالت جانے کی تاریخ بتائیں،عدالت جانے کی تاریخ کے ساتھ گھڑی بیچنے کی رسید بھی ٹویٹ کریں ؟ ۔ وفاقی وزیر نے کہاکہ 2 کروڑ میں گھڑی لے کر 28کروڑ میں بیچ دی، اسے ڈکلئیر نہیں کیا؟ اس میں شاہ زیب ، جیو اور میر ابراہیم کا کیا قصور؟ ۔ وزیر اطلاعات ونشریات نے کہاکہ عمران خان صاحب بتائیں کہ گھڑی کے پیسے پاکستان کون لایا اور کیسے ؟ ۔
وفاقی وزیر نے کہاکہ عمران خان آپ کے ہینڈلرز فرح گوگی اور شہزاد اکبر پکڑے گئے ہیں،دوسروں پہ جھوٹے الزمات ؟ رنگے ہاتھوں پکڑے جائیں تو بے بنیادالزام، ؟۔ انہوںنے کہاکہ جھوٹے الزامات پہ سیاسی مخالفین کو سزائے موت کی چکیوں میں رکھو ؟ خود پر”جرم ”ثابت ہو تو ‘بیسلیس’کی گردان ؟۔ انہوںنے کہاکہ عمران خان نے توشہ خانہ کیس کے کسی نوٹس کا جواب نہیں دیا اور کسی تفتیش میں شامل نہیں ہوئے؟۔
