راولپنڈی (رپورٹنگ آن لائن)بانی پی ٹی آئی نے احتساب کمیٹی کو خیبر پختون خوا کابینہ کے اراکین کی کارکردگی سے متعلق رپورٹ پیش کرنے کی ہدایت کر دی۔ذرائع کے مطابق بانء پی ٹی آئی نے احتساب کمیٹی کو مئی تک رپورٹ پیش کرنے کی ہدایت کی ہے، بانی پی ٹی آئی نے وزراء کی کارکردگی اور فنڈز کے استعمال پررپورٹ مانگی ہے۔ذرائع کے مطابق احتساب کمیٹی نے کابینہ اراکین کو طلب کرنا شروع کر دیا ہے۔
اس حوالے سے پی ٹی آئی کی احتساب کمیٹی کے رکن قاضی انور ایڈووکیٹ نے بتایاکہ مئی کے پہلے ہفتے میں کابینہ اراکین کی کارکردگی رپورٹ پیش کرنے کا حکم ملا ہے۔قاضی انور نے بتایا کہ تمام وزراء ، مشیر اور معاونین کمیٹی کے سامنے اپنی رپورٹس رکھیں گے، کابینہ اراکین فنڈز اور ان کے استعمال سے متعلق کمیٹی کو معلومات دیں گے۔انہوں نے کہا کہ مئی میں اس عمل کو مکمل کر کے رپورٹ بانء پی ٹی آئی کو دی جائے گی، گزشتہ روز وزیرِ خوراک نے کمیٹی کو کارکردگی رپورٹ دی تھی۔
