کراچی(رپورٹنگ آن لائن)وزیراعلیٰ سندھ سید مراد علی شاہ نے کہا ہے کہ دہشتگردوں کے خلاف پوری قوم کو یکجا ہر کر لڑنا ہو گا۔
وزیراعلیٰ سید مراد علی شاہ نے مستونگ دھماکے پر گہرے دکھ اور افسوس کا اظہار کرتے ہوئے کہا کہ بلوچستان کانسٹیبلری کے جوانوں کی شہادت پر دل رنجیدہ ہے۔انہوں نے کہا کہ دہشت گردی کی بزدلانہ حرکتیں قوم کے حوصلے پست نہیں کر سکتیں اور شہدا کا لہو رائیگاں نہیں جائے گا۔
اس وقت پوری قوم غمزدہ ہے۔مراد علی شاہ نے کہا کہ دکھ کی گھڑی میں بلوچستان کی عوام اور شہدا کے خاندانوں کے ساتھ کھڑے ہیں۔وزیراعلیٰ سندھ نے شہدا کے لواحقین سے دلی ہمدردی کا اظہار کرتے ہوئے کہا کہ دہشت گردوں کے خلاف پوری قوم کو یکجا ہو کر لڑنا ہو گا۔
