سنگاپور(رپورٹنگ آن لائن)مرسڈیز کے برطانوی ڈرائیور جارج رسل نے انکشاف کیا ہے کہ رواں ہفتے سنگاپور گرائونڈ پری میں گرڈ پینلٹی ملنے کے بعد بھی انہیں رواں سیزن میں ایک اور گرڈ پینلٹی کا سامنا کرنا پڑے گا۔ غیر ملکی میڈیا کے مطابق نئے انجن کی تنصیب کے باعث وہ اتوار کو ہونے والی ریس کا آغاز گرڈ کی آخری پوزیشن سے کریں گے جبکہ آنے والی اپ گریڈیشن کے ساتھ سیزن کا اختتام مکمل کرنے کے لیے انہیں مزید ایک نیا انجن حاصل کرنا پڑے گا۔
جارج رسل کے مطابق ملائیشیا میں انجن کی خرابی کے باعث ان کا پرانا پلان متاثر ہوا جس کے تحت انہیں آسٹن میں ہونے والی ریس تک پرانے انجن کے ساتھ جانا تھا۔ تاہم انہوں نے واضح کیا کہ مسلسل خرابیوں کے باعث ان کے پاس پرانے انجن استعمال کرنے کا موقع باقی نہیں رہا،سات ریسز باقی ہونے کے باعث ٹیم نے نئے اپ گریڈڈ انجن کی آمد کے بعد مزید ایک اور پینلٹی قبول کرنے کا فیصلہ کیا ہے۔سنگاپور میں جارج رسل گاڑی کے پرانے سپیسی فکیشن کے ساتھ میدان میں اتریں گے جبکہ ان کے ساتھی ڈرائیور اینٹونیلی نئی ایرو ڈائنامک اپ گریڈیشن سے لیس گاڑی کے ساتھ ریس میں حصہ لیں گے۔
ملائیشیا کی دوڑ میں رسل کے مقابلے سے باہر ہونے کی وجہ سے ان کے ساتھی ڈرائیور کی ڈرائیورز چیمپئن شپ میں برتری 84 پوائنٹس تک پہنچ گئی ہے،مسلسل تکنیکی مسائل کا شکار رہنے کے باوجود برطانوی ڈرائیور نے اب تمام تر توجہ ان عوامل پر مرکوز رکھنے کا ارادہ ظاہر کیا ہے جنہیں وہ خود کنٹرول کر سکتے ہیں۔
