نئی دہلی(رپورٹنگ آن لائن)انڈین پریمیر لیگ(آئی پی ایل)کے چیف آپریٹنگ آفیسرہیمنگ امین کو بھارت کرکٹ اینڈ کنٹرول بورڈ (بی سی سی آئی)کا عبوری سی ای او مقرر کیا گیا ہے۔
بھارت کرکٹ اینڈ کنٹرول بورڈ کے سکریٹری جے شاہ نے ایک ای میل کے ذریعے بورڈ سے وابستہ افراد کو آگاہ کیا۔ یہ اقدام راہول جوہری کے مستعفی ہونے کے چند دن بعد سامنے آیا ہے کیونکہ بھارت کرکٹ اینڈ کنٹرول بورڈ (بی سی سی آئی)نے سی ای او کے استعفی کو قبول کر لیا تھا۔راہول جوہری، جو بھارت کرکٹ اینڈ کنٹرول بورڈ (بی سی سی آئی) کے سی ای او تھے، انہوں نے سی ای او کے عہدے سے استعفی دے دیا ہے اور اب وہ بی سی سی آئی کے ساتھ نہیں ہیں۔
جے شاہ کا کہنا ہے کہ ہم نے مسٹر ہیمنگ امین ، سی او او، آئی پی ایل کو عبوری سی ای او مقرر کیا ہے۔ ہیمنگ امین نے بھارت کرکٹ اینڈ کنٹرول بورڈ (بی سی سی آئی) کے لئے ایک نازک مرحلے میں اپنا عہدہ سنبھال لیا ہے۔ بورڈ میں متعدد اہم عہدے خالی رہ گئے ہیں
۔انہوں نے کہا کہ بورڈ کے عہدیدار مکمل وقت کے متبادل کی تلاش میں ہوں گے۔ اس عمل کے بارے میں 17 جولائی کو ہونے والے ایپکس کونسل کے اجلاس میں فیصلہ ہونے کا امکان ہے۔اس سے قبل اس کام کو عملی جامہ پہنانے کیلئیکسی مشاورتی ایجنسی کی خدمات حاصل کی گئیں تھیں، تاہم اس مرتبہ بورڈ سابقہ طریقہ کار اختیار نہیں کریگا بلکہ خود ہی کسی امیدوار کو چننے کا انتخاب کرسکتا ہے ۔