اسلام آ باد (رپورٹنگ آن لائن) وفاقی وزیر اطلاعات ونشریات فواد چوہدری نے کہا ہے کہ ہماری صحافت پر بنیادی طور پر میڈیا سیٹھوں کا کنٹرول ہے،میڈیا کی آزادی کے نام پر بلیک میلنگ کے قلعے تعمیر ہو گئے ہیں جن کو مسمار کرنا پاکستان کیلئے لازم ہے۔
جمعرات کو وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹر پر جاری اپنی ٹوئٹ میں لکھا کہ بڑے گروپس نے کل اشتہارات کا ڈیٹا چھاپنے کی جرات تک نہیں کی، میڈیا کی آزادی کے نام پر بلیک میلنگ کے قلعے تعمیر ہو گئے ہیں جن کو مسمار کرنا پاکستان کیلئے لازم ہے،سیاسی اصلاحات کے ایجنڈے میں میڈیا کا احتساب لازمی ہونا چاہئے۔
