مکوآنہ (رپورٹنگ آن لائن)نئے سیزن کے میٹھے رس بھرے آم 20 مئی سے پاکستان سے ملکوں ملکوں بھیجے جائیں گے۔پاکستان فروٹ اینڈ ویجیٹیبل ایکسپورٹرز ایسوسی ایشن کے سرپرست اعلیٰ وحید احمد کے مطابق رواں سیزن 10 کروڑ ڈالر مالیت کا ایک لاکھ 25 ہزار ٹن آم برآمد ہوگا۔ پاکستان سے برآمد ہونے والا آم ملکی پیداواری صلاحیت 18 لاکھ ٹن کا تقریباً 7 فیصد ہے۔پاکستانی آم کے بڑے خریداروں میں ایران، وسط ایشیائی ممالک، خلیجی ممالک اور برطانیہ شامل ہیں۔
اس کے علاوہ یورپی ممالک، کینیڈا، امریکا اور جاپان بھی پاکستانی آم کی اہم منڈیاں ہیں۔ رواں سیزن موسم سرما دیر تک رہنے اور تاخیر سے گرمیوں کی آمد نے آم کی فصل کو بیماریوں سے مقابلے کرنے کی صلاحیت کو متاثر کیا ہے۔ جس سے رواں سیزن آم کی فصل 20 فیصد یعنی 3 لاکھ 60 ہزار میٹرک ٹن کم ہوگی۔وحید احمد کے مطابق موسمی تبدیلیاں آم کی فصل کو متاثر کررہی ہیں۔ ملک میں آم کے ریسرچ ادارے اور صوبائی محکمہ زراعت موسمی بدلاوسے بچاوکے وسائل اور آگاہی فراہمی کریں
