لندن (رپورٹنگ آن لائن)ویسٹ انڈیز کے ہیڈ کوچ فل سمنز نے وزنی ترین کرکٹر راحکیم کورنوال کی حمایت کرتے ہوئے کہا ہے کہ راحکیم کورنوال کے سائز اور فٹنس کا کوئی مسئلہ نہیں ہے ۔
ویسٹ انڈیز کے ہیڈ کوچ فل سمن نے اپنے ایک بیان میں گیند باز راحکیم کورنوال سے متعلق کہا ہے کہ سلپ میں سب نے راحکیم کے کیچز دیکھے ہیں، راحکیم کورنوال طویل وقت کے لیے اوورز کرنے کی بھی صلاحیت رکھتے ہیں۔فل سمنز نے کہا ہے کہ گھٹنے کی انجری کا کوئی مسئلہ نہیں وہ پہلےکی طرح اب بھی مضبوط ہیں۔
دوسری جانب راحکیم کورنوا ل کا کہنا ہے کہ وہ اپنی فٹنس پر بہت کام کرتے ہیں اس پر سمجھوتہ نہیں کرتے ہیں۔واضح رہے کہ راحکیم کو دنیا کا وزنی ترین کرکٹر قرار دیا جاتا ہے اور انہیں جمبو کرکٹر بھی کہا جاتا ہے ،راحکیم کاوزن 140کلواورقد 6فٹ پانچ انچ ہے ، آسٹریلوی کپتان واروک آرمسٹرانگ 1900 میں وزنی ترین کرکٹر تھے، واروک کو بگ شپ کہا جاتا تھا ان کا وزن 133 کلو گرام تھا۔
