پنجاب حکومت کالاہور میں لاک ڈائون کی مدت میں توسیع کا فیصلہ

لاہو ر(رپورٹنگ آن لائن) پنجاب حکومت نے لاہور میں لاک ڈائون کی مدت میں توسیع کا فیصلہ کرلیا، تعلیمی اداروں میں چھٹیاں بھی بڑھائی جائیں گی۔ نجی ٹی وی کے مطابق پنجاب حکومت کی جانب سے شہر میں کورونا کی بگڑتی ہوئی صورتحال کے پیش نظر دوہفتے کے لاک ڈائون میں توسیع کا فیصلہ کیا گیا ، کورونا کے مریض جس علاقے میں زیادہ ہوں گے، وہاں کی مارکیٹس بھی بند کی جائیں گی، مارکیٹوں کے اندر مقررہ اوقات میں ایس او پیز کی خلاف ورزی پر سخت کارروائی عمل میں لائی جائے گی۔ ایس او پیز پر عملدر آمد کیلئے مارکیٹوں کے سرپرائز وزٹ بھی کئے جائیں گے، لاہور کے شہریوں کیلئے ماسک پہننا لازمی قرار دیا جائے گا ۔