صاحبزادہ فرحان میں کھیل کو سمجھنے کی اچھی صلاحیت ہے، کپتانی میں مزید نکھا ر آئیگا،مائیک ہیسن

راولپنڈی(رپورٹنگ آن لائن)پاکستان وائٹ بال ٹیم کے ہیڈ کوچ مائیک ہیسن نے کہا ہے کہ صاحبزادہ فرحان میں کھیل کو سمجھنے کی اچھی صلاحیت ہے، ان کی کپتانی میں مزید نکھار آئے گا۔مائیک ہیسن نے میڈیا سے گفتگو کرتے ہوئے کہاکہ پاکستان نے ٹی ٹوئنٹی سیریز میں کئی تبدیلیاں کیں اور اپنی بہترین کرکٹ کھیلی۔انہوں نے کہا کہ پاکستان گزشتہ 18 ماہ سے ہر ٹی ٹوئنٹی سیریز جیت رہا ہے جبکہ پاکستان کے ون ڈے اسکواڈ نے گزشتہ کچھ عرصے میں بہتری دکھائی ہے۔

کوچ مائیک ہیسن نے کہا کہ انگلینڈ نمبر ون ٹیم ہے، ٹرائی سیریز چیلنجنگ ہوگی۔انہوں نے کہا کہ صاحبزادہ فرحان کپتانی کی ذمہ داری سے محظوظ ہو رہے ہیں۔مائیک ہیسن نے کہاکہ پاکستان کی فتوحات میں گزشتہ کچھ عرصے سے مڈل آرڈر نے بہترین کارکردگی دکھائی ہے۔تیسرے ٹی ٹوئنٹی میں شکست پر تبصرہ کرتے ہوئے مائیک ہیسن نے کہا کہ میچ میں ہماری بولنگ اچھی نہ تھی۔ایک سوال کے جواب میں مائیک ہیسن نے کہا کہ پاکستان کرکٹ ہمیشہ فاسٹ بولرز کی رفتار کے حوالے سے مشہور رہی ہے، شان ٹیٹ پاکستانی فاسٹ بولرز کے ساتھ کام کریں گے۔