یریوان (رپورٹنگ آن لائن) آرمینیا کے دارالحکومت یریوان میں کاپ 17 کا ” حیاتیاتی تنوع پر کنونشن” کا اجلاس منعقد ہوا۔ اسی روز اجلاس میں”چائنا کارنر ” کا باضابطہ افتتاح ہوا۔ یہ اقوام متحدہ کی حیاتیاتی تنوع کانفرنس میں مسلسل تیسرا”چائنا کارنر “ہے۔
چین کے وزیر برائے حیاتیات و ماحولیات حوانگ رن چھؤ نے کانفرنس کی افتتاحی تقریب سے خطاب میں کہا کہ 2022 میں کھون مینگ-مونٹریال عالمی حیاتیاتی تنوع فریم ورک کی منظوری کے بعد سے عالمی حیاتیاتی تنوع کے تحفظ کو بنیادی طور پر مثبت پیش رفت ہوئی لیکن یہ پیش رفت توقع تک نہیں پہنچ سکی ۔ تمام فریقوں کو متعلقہ پالیسی اور اقدامات کو مزید کوششوں کے ساتھ نافذ کرنا چاہیئے۔
کنونشن کے سیکرٹریٹ کی ایگزیکٹو سیکرٹری ایسٹرڈ شومیکر نے اپنے خطاب میں کہا کہ “‘ حیاتیاتی تنوع پر کنونشن’ کے نفاذ پر چین کی ساتویں قومی رپورٹ” میں ظاہر ہونے والی حیاتیاتی تنوع کے تحفظ کے حوالے سے پیش رفت حوصلہ افزا ہے۔ انہوں نے خاص طور پر چین کے ماحولیاتی تحفظ کی ریڈ لائن کے نظام کو سراہا کہ یہ حیاتیاتی تنوع کے تحفظ کو ملک کے منصوبوں اور ترقی میں مربوط کرنے کی ایک بہترین مثال ہے۔
