مولانا فضل الرحمان

روضہ رسول کی توہین قابل مذمت‘ اسے کسی اور چیز سے تعبیر نہیں کیا جا سکتا‘ مولا نا فضل الرحمان

اسلام آباد (رپورٹنگ آن لائن)جمعیت علماء اسلام (ف) کے سربراہ مولانا فضل الرحمان کا کہنا ہے کہ روضہ رسول کی بے حرمتی قابل مذمت ہے، اسے کسی اور چیز سے تعبیر نہیں کیا جا سکتا۔ گزشتہ روز وفاقی کابینہ میں شامل اراکین کی روضہ رسول پر حاضری کے موقع پر مسجد نبوی میں موجود کچھ افراد نے نعرے بازی کی اور وفاقی کابینہ کے اراکین سے بدتمیزی بھی کی۔

مسجد نبوی میں وفاقی کابینہ کے اراکین میں شامل افراد کے خلاف کی ویڈیوز سوشل میڈیا پر بھی وائرل ہو رہی ہیں جس کی مذہبی اور دیگر شخصیات کی جانب سے شدید مذمت کی جا رہی ہے۔شہباز شریف کی مسجد نبوی آمد پر بعض افراد کی نعرہ بازی، سیاسی رہنماوں کی مذمت اس معاملے پر ردعمل دیتے ہوئے مولانا فضل الرحمان نے کہا کہ روضہ کی توہین قابل مذمت ہے، حرم کے تقدس کا تقاضہ تک نہیں دیکھا کیا گیا۔

سربراہ جے یو آئی (ف) نے کہا کہ جمعتہ الوداع کے اجتماعات میں تمام مسالک کے آئمہ اس عمل کی مذمت کریں اور امت مسلمہ کو آگاہ کیا جائے کہ اسے روضہ اقدس کی توہین کے علاوہ کسی اور چیز سے تعبیر نہیں کیا جا سکتا، ایک سیاسی اختلاف کی بنیاد پر حرم پاک کی توہین پر احتجاج کرنا چا ہیے۔