فواد چوہدری

اسلام آباد کی عدلیہ قیدیوں کے حقوق کا تحفظ کرنے میں بری طرح ناکام رہی ، فواد چوہدری

اسلام آ باد (رپورٹنگ آن لائن) پاکستان تحریک انصاف کے رہنما فواد چوہدری نے کہا ہے کہ اسلام آباد کی عدلیہ قیدیوں کے حقوق کا تحفظ کرنے میں بری طرح ناکام رہی ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ میں فواد چوہدری نے کہا کہ اسلام آباد کی عدلیہ تشدد کے خلاف قیدیوں کے حقوق کا تحفظ کرنے میں بری طرح ناکام رہی ہے۔

فواد چوہدری نے کہا کہ تاہم ایسا لگتا ہے کہ ایمنسٹی انٹرنیشنل، ایچ آر واچ اور یو این ایچ آر نے شہباز گل کے کیس میں تشدد اور جنسی زیادتی کے الزامات کی ابتدائی تحقیقات شروع کر دی ہیں۔

انہوں نے مزید کہا کہ جو عدالتی نظام کی ناکامی کا ایک اور ثبوت ہے۔