برلن (رپورٹنگ آن لائن)جرمن چانسلر انجیلا میرکل نے قابل اعتماد میڈیا تک زیادہ سے زیادہ رسائی پر زور دیتے ہوئے کہا ہے کہ کورونا وائرس نے یورپ کے سامنے بالخصوص معلومات کی ترسیل کے حوالے سے نئے چیلنجز کھڑے کردیے ہیں۔
میرکل نے ان خیالات کا اظہار یورپی یونین کی میڈیا پالیسی پر یورپی رہنماؤں کی ایک ڈیجیٹل کانفرنس سے خطاب میں کیا۔ جرمن چانسلر کا مزید کہنا تھا کہ کورونا وائرس کی وبا کے اس دور میں آج میڈیا کی اہمیت اور معتبر اطلاعات کی ضرورت پہلے سے کہیں زیادہ ہے۔ جرمنی نے یکم جولائی سے یورپی یونین کونسل کی صدارتی ذمہ داری سنبھالی ہے۔
