اسلام آباد (رپورٹنگ آن لائن )وفاقی وزیر اطلاعات و نشریات سینیٹر شبلی فراز نے کہا ہے کہ عالمی کساد بازاری اور ملکی معاشی چیلنجز کے تناظر میں ٹیکس فری بجٹ وزیراعظم عمران خان کی عوام دوستی کا مظہر ہے ،
پی ٹی آئی اور اتحادی عمران خان کی قیادت میں متحد ویکجا ہیں ۔ سماجی رابطوں کی ویب سائٹ ٹویٹر پر اپنے پیغام میں انہو ں نے کہا کہ 41 ووٹ کی اکثریت سے بجٹ منظوری واضح ثبوت ہے کہ پی ٹی آئی اور اتحادی عمران خان کی قیادت میں متحد و یکجا ہیں ، بجٹ میں تجویز کردہ اقدامات سے معیشت کا پہیہ چلے گا اور روزگار کی نئی راہیں کھلیں گی۔
انہو ںنے مزید کہا کہ اپوزیشن نے غیر یقینی کا ماحول پیدا کرکے عوام میں مایوسی پھیلانے کی ناکام کوشش کی اور اپنی سیاسی سوچ کے کھوکھلے پن کا مظاہرہ کیا۔
