کراچی(رپورٹنگ آن لائن)پی آئی اے نے کراچی طیارہ حادثے کی ابتدائی رپورٹ کو تسلیم کرلیا۔
ترجمان پی آئی اے کے مطابق ابتدائی رپورٹ تسلیم کرتے ہیں اور اسے رہنمائی سمجھتے ہیں ،
حفاظت کے معیار کو مزید بہتر بنانے کے عزم کی تصدیق کرتے ہیں، اصلاحی اقدامات کا اضافی سلسلہ شروع کرچکے ہیں۔
ترجمان نے کہاکہ ملک میں تمام پائلٹوں کے لائسنسوں کا مکمل فورنزک آڈٹ کیا گیا ہے اور پی آئی اے نے مزید 15 پائلٹوں کو گراؤنڈ کردیا ہے،
فوری طور پر فلائٹ ڈیٹا مانیٹرنگ یونٹ قائم کیا گیا ہے، مشکوک لائسنس کی تحقیقات کو قومی ائیر لائن نے خود اجاگر کیا ہے۔
انہوں نے کہا کہ پائلٹ کے لائسنسز کی مکمل فورنزک کے عمل کو تیز کرنے کی مسلسل پیروی کی گئی،
اور اعلیٰ ترین ایگزیکٹو آفس نے بھی اس عمل میں دلچسپی لی ہے، تحقیقات کے نتیجے میں 15 پائلٹس کو گرائونڈ کیا گیا،
پی آئی اے گراؤنڈ پائلٹوں کی تنخواہوں پر سالانہ 17کروڑ روپے خرچ کررہی ہے۔
ترجمان کے مطابق ائیر لائن نیااضافی اخراجات برداشت کیے لیکن مسافروں کے تحفظ پر سمجھوتہ نہیں کیا،
سی اے اے سے دیگر مشکوک لائسنسز کی فہرست بھی جلد مانگی گئی ہے۔
انہوں نے کہا کہ انکوائری بورڈ کی سفارشات کے بعد غلطی پر پائے جانے والوں کو نوکریوں سے برخاست کر دیا جائے گا،
اس عمل کے نتیجے میں ہماری کچھ پروازیں منسوخ ہوسکتی ہیں۔
ترجمان کے مطابق صرف وہ پائلٹ پرواز کریں گے جو اعلیٰ سروس ریکارڈ کے حامل ہوں گے۔