آصف زر داری

پنجاب میں ان ہائوس تبدیلی کیلئے نمبر گیم، آصف زرداری کو خصوصی ٹاسک دے دیا گیا

اسلام آباد(رپورٹنگ آن لائن) حکومتی اتحاد کی پنجاب میں ان ہائوس تبدیلی کی کوششیں جاری ہے ، اس حوالے سے آصف زرداری کو خصوصی ٹاسک دیدیا گیا۔تفصیلات کے مطابق پنجاب میں گورنر راج کی بجائے ان ہائوس تبدیلی کی کوششیں جاری ہے اور نمبر گیم تبدیل کرنے کی کوششیں تیز ہوگئی ہے۔اس سلسلے میں حکومت کی اتحادی جماعتیں میں مشاورت ہورہی ہے ، اتحادی ان ہائوس تبدیلی کے حق میں ہیں۔ذرائع کے مطابق ان ہاوس تبدیلی کیلئے اعتماد کے ووٹ کا آپشن استعمال کیا جائے گا، جس کے لئے آصف زرداری کو خصوصی ٹاسک دے دیا گیا ہے۔

ان ہائوس تبدیلی کیلئے تحریک عدم اعتماد نہیں لائی جائے گی اور وزیراعلی کو اعتماد کا ووٹ لینے کے لئے کہا جائے گا ، اعتماد کا ووٹ نہ لیاجا سکا تو وزیر اعلیٰ کا دوبارہ انتخاب ہوگا۔یاد رہے مسلم لیگ ن کو پنجاب میں عدم اعتماد کے معاملے پر پارٹی کے اندر مخالفت کا سامنا ہے، چند سینئر رہنما عدم اعتماد یا اعتماد کے ووٹ سے پہلے نمبرز پورے کرنے کے خواہاں ہے ، لیگی رہنما کا کہنا ہے کہ پنجاب اسمبلی میں نمبرز پورے نہ کرسکے تو مزید سیاسی نقصان ہوگا۔چند لیگی رہنما کا مزیدکہنا تھا کہ اتفاق رائے تک عدم اعتماد یا گورنر کی ہدایت کوروک لیاجائے، ہمارے18معطل ایم پی ایز کا معاملہ بھی ابھی حل نہیں ہوا ہے۔ذرائع کے مطابق ن لیگ صوبائی قیادت اب بھی فوری عدم اعتماد جمع کرانے کے حق میں ہے۔
٭٭٭٭٭