ملک میں بڑھتی مہنگائی سے شوبز ستارے بھی پریشان

کراچی (رپورٹنگ آن لائن) ملک میں جاری معاشی بحران، بڑھتی مہنگائی اور روپے کی قدر میں کمی نے شوبز فنکاروں کو بھی پریشان کردیا۔ گلوکار فرحان سعید نے ٹویٹر پر اپنی تشویش کا اظہار کرتے ہوئے لکھا کہ ہم اس بحران سے کیسے نکلیں گے؟ میں نے اپنی زندگی میں کبھی نہیں دیکھا کہ روپیہ ڈالر کے مقابلے میں مضبوط ہوا ہو۔

گلوکار نے لکھا کہ ہم ادھر یا ادھر پارٹی میں ہیں لیکن پاکستان میں نہیں ہے، کسی کو فکر نہیں ہے کہ ہم کہاں پہنچ گئے ہیں، کیا ہم نے امید کو ترک کردیا ہے؟ اداکارہ اعجاز اسلم نے سیاسی پریس کانفرنسوں پر تنقید کرتے ہوئے لکھا کہ ان کانفرنسوں میں صرف ایک دوسرے پر سیاسی الزامات لگائے جاتے ہیں جبکہ ہم مشکلات کی چکی میں پس رہے ہیں۔ انہوں نے لکھا کہ ملک کو مستحکم کرنے منصوبہ بندی پر کوئی شخص گفتگو نہیں کرتا، کرنسی کی قدر گررہی ہے اور عام آدمی کیلئے ضروریات زندگی کا حصول ممکن نہیں رہا، ہم پر رحم کرو۔