لاہور (رپورٹنگ آن لائن)عدالت نے عہدے کا ناجائزاستعمال کرنے پرسی ای او اور ڈی جی ایچ آرگیپکو کو26 مئی کو طلب کرلیا۔تفصیلات کےمطابق لاہورہائی کورٹ میں گیپکو ایکسیئین کے تبادلے کیخلاف درخواست کی سماعت کرتے ہوئے عدالت نے ایڈیشنل رجسٹرارجوڈیشل کوعدالتی حکم سے متعلق گیپکو کے متعلقہ افسران کو آگاہ کرنے کا بھی حکم دیا۔
سماعت کرتے ہوئے عدالت نے ریمارکس دیے کہ ڈی جی ایچ آر گیپکو نے درخواست گزار کو ہائیکورٹ سے رجوع کرنے پردھمکیاں دیں۔ ڈی جی ایچ آر گیپکو نے نا صرف تبادلے کے خلاف درخواست کو مسترد کیا بلکہ درخواست گزار کو حقوق کے لیے لڑنے سے بھی روکا۔جسٹس شاہد وحید نے گیپکو کے ایکسئین کامران احمد کی درخواست پر تحریری حکم جاری کرتے ہوئے ریمارکس دیے کہ ڈی جی ایچ آر گیپکو نے یہ بھی کہا کہ تبادلے کیخلاف درخواست لاہور ہائیکورٹ میں قابل سماعت ہی نہیں۔درخواست گزار نے موقف پیش کیا کہ 14 مئی 2020 ء کو ڈپٹی مینجر آپریشنز گیپکو ڈویڑن وزیر آباد تقرر کیا گیا۔ 23 اگست 2021ئ کو ٹرانسفر پالیسی کے برعکس ایک برس بعد تبادلہ کردیا گیا۔گیپکو کے ایکسئین کامران احمد نے عدالت میں مو¿قف پیش کیا کہ ٹرانسفر پالیسی کے تحت ایکسیئین کا 2 سال سے پہلے تبادلہ نہیں کیا جا سکتا۔
عدالت نے گیپکو چیف کو وزیرآباد سے تبادلے کیخلاف درخواست پر فیصلے کا حکم دیا تھا۔درخواست گزار نے موقف اپنایا کہ گیپکو حکام نے ہائیکورٹ کے حکم کے برعکس ٹرانسفر پالیسی کیخلاف درخواست کو ناقابل سماعت قرار دے کر مسترد کیا۔ عدالت سے استدعا ہے کہ وزیرآباد سے گوجرانوالہ تبادلہ کرنے کیخلاف درخواست مسترد کرنے کا گیپکو کا حکم کالعدم کیا جائے۔
