مقبوضہ غزہ (رپورٹنگ آن لائن)غزہ میں جاری اسرائیلی دہشت گردی کے دوران ایک ہی روز میں مزید 48 فلسطینی شہید اور درجنوں زخمی ہوگئے۔
میڈیارپورٹس کے مطابق غزہ کے شہری دفاع کے ادارے کے ترجمان محمود بسال کا کہنا تھا کہ قابض طیاروں اور توپ خانوں نے غزہ پٹی کے مختلف علاقوں میں بمباری کی جس میں گھروں، بے گھر افراد کی پناہ گاہوں اور سڑکوں پر موجود شہریوں کو نشانہ بنایا، شہدا میں نو بچے بھی شامل ہیں۔سات اکتوبر 2023 سے اب تک غزہ میں جاری اسرائیلی دہشت گردی میں 41 ہزار سے زائد فلسطینی شہید اور 95 ہزار 551 زخمی ہو چکے ہیں۔
