شاہد آفریدی

شاہد آفریدی کا عرصہ دراز کے بعد نیشنل کرکٹ اکیڈمی آکر خوشی کا اظہار

کراچی(رپورٹنگ آن لائن)کرکٹ کی دنیا میں بوم بوم کے نام سے مشہور سابق کپتان شاہد آفریدی نے عرصہ دراز کے بعد نیشنل کرکٹ اکیڈمی آکر خوشی کا اظہار کیا۔سماجی رابطے کی سائٹ ٹوئٹر پر کیے گئے پیغام میں شاہد آفریدی نے کہا کہ این سی اے کا دورہ کر کے پرانی یادیں تازہ ہو گئی ہیں۔

انہوں نے کہا کہ این سی اے میں عرصہ دراز کے بعد آیا ہوں، یادگار لمحات ذہن میں آ گئے، ایسی سہولیات پورے پاکستان میں ہونی چاہیں۔انہوںنے کہاکہ میں نے اجازت کے بغیر ٹریننگ سیشن کیا ہے، مجھے امید ہے کہ سب اوکے رہے گا۔خیال رہے کہ نیشنل کرکٹ اکیڈمی کو اب نیشنل ہائی پرفارمنس سینٹر کا نام دیا جا چکا ہے۔