لاہور(رپورٹنگ آن لائن) پاکستان کرکٹ ٹیم کے بیٹر شان مسعود کو مکمل فٹنس حاصل کرنے کے لیے مزید دو سے تین ہفتے درکار ہیں۔
ذرائع کا بتانا ہے کہ شان مسعود کوپریزیڈنٹ ٹرافی کےمیچ میں بائیں پنڈلی میں تکلیف ہوئی تھی اس لیے شان مسعود پنڈلی،پٹھوں کی تکلیف کے باعث آخری راؤنڈ میچ نہیں کھیل رہے۔ذرائع کے مطابق شان مسعود کی تکلیف سنجیدہ نوعیت کی نہیں ہے اور وہ ری ہیب کےبعد ایکشن میں آئیں گے۔
اس کے علاوہ ذرائع کا یہ بھی بتانا ہے کہ شان مسعود کاسری لنکا کےخلاف ٹیسٹ سیریز میں شرکت نہ کرنے کا امکان ہے۔پاکستان اور سری لنکا کے درمیان دو ٹیسٹ میچز پر مشتمل سیریز کا پہلا میچ 9 نومبر سے شروع ہوگا۔
