لاہور (رپورٹنگ آن لائن) اداکارہ اور ڈرامہ نگار بشریٰ انصاری نے ڈرامہ سیریل ’’زیبائشں ‘‘ کو پسند کرنے پر مداحوں کا شکریہ ادا کیا ہے۔ حال ہی میں اس ڈرامے کی دوسری قسط نشر کی گئی ہے جسے شائقین میں بہت پسند کیا جا رہا ہے ۔ اداکارہ نے اس پر مداحوں کو شکریہ ادا کرتے ہوئے کہاکہ انہوں نے اس ڈرامے کو لکھنے میں بہت محنت کی ہے اور اگر شائقین ایسے ہی اپنی پسندیدگی کا اظہار کرتے رہے تو انہیں اپنی محنت کا پھل مل جائے گا۔ اداکارہ بشری خود اس ڈرامے میں مرکزی کردار بھی ادا کررہی ہیں ۔
