لندن(رپورٹنگ آن لائن)برطانوی وزیراعظم کیئر اسٹارمر نے سابق امریکی صدر ڈونلڈ ٹرمپ کو فون کرکے قاتلانہ حملے کی مذمت کی۔غیرملکی خبررساں ادارے کے مطابق برطانوی حکام نے بتایاکہ وزیراعظم کیئر اسٹارمر نے حملے میں ہلاک شخص کے اہلخانہ سے تعزیت کا اظہار کیا۔برطانوی حکام کا کہنا تھا کہ کیئر اسٹارمر نے ڈونلڈ ٹرمپ اور دیگر زخمیوں کی جلد صحتیابی کے لیے نیک تمنائوں کا اظہار کیا۔واضح رہے کہ گزشتہ روز امریکا کے ری پبلکن صدارتی امیدوار ڈونلڈ ٹرمپ کی ریلی کے دوران فائرنگ ہوئی جس میں ڈونلڈ ٹرمپ زخمی ہوئے۔
