اسلام آباد(رپورٹنگ آن لائن ) اسلام آباد پولیس کی بہترین حکمت عملی اور جرائم پیشہ افراد کے خلاف موثر کاروائیوں کی وجہ سے وفاقی دارالحکومت میں گزشتہ سال کی نسبت رواں سال کے پہلے 6ماہ کے دوران جرائم کی شرح میں نمایاں کمی واقع ہوئی، وفاقی دارالحکومت۔
رواں سال کے پہلے 6 ماہ میں سنگین جرائم میں24فیصد،ڈکیتی و راہزنی کی وارداتوں میں52فیصد ،سرقہ بالجبر میں30فیصد،موٹرسائیکل و کار چوری کی وارداتوں میں 6فیصد اور نقب زنی کی وارداتوں میں41 فیصدکمی واقع ہوئی ،جبکہ پچھلے سال کی نسبت رواں سال کے پہلے 6ماہ کے دوران اسلحہ کی برآمدگی میں47فیصد اورمنشیات کی برآمدگی میں 19 فیصد اضافہ ہوا جبکہ آٹھ اندھے قتل کے ملزمان کو بھی گرفتار کیا گیا۔
تفصیلات کے مطابق آئی جی اسلام آباد محمد عامر ذوالفقار خان کے احکامات کی روشنی میں ڈی آئی جی آپریشنز وقار الدین سید کی سربراہی میں سال رواں کے پہلے 6 ماہ میں آپریشن ڈویڑن نے اچھی کاکردگی کا مظاہرہ کرتے ہوئے جرائم پیشہ عناصر اور منشیات فروشوں کے خلاف بھرپور کاروائیاں کیں جس کی وجہ سے رواں سال میں جرائم کی شرح میں نمایاں کمی واقع ہوئی۔
جبکہ کرائم کے زمرے میں اسلام آباد پولیس نے ضلع بھر میں جرائم پیشہ عناصر کے خلاف بھرپور آپریشن کیا مختلف جرائم میں ملوث افراد کے خلاف بھرپور کاروائیاں کرتے ہوئے خطرناک 10 ڈکیت گروہوں سیمت دیگر جرائم میں ملوث 867 ملزمان گرفتار کرکے ان کے قبضہ سے کروڑوں روپے مالیت کی مال مسروقہ جس میں نقدی, ظلائی زیورات ،گھڑیاں موبائک فونز،لیپ ٹاپ و دیگر سامان برآمد کیا گیا ،جبکہ گزشتہ سال کی نسبت سال رواں کے پہلے 6 ماہ میں منشیات فروشوں کے خلاف کاروائیاں کرتے ہوئے منشیات فروش کے قبضے سے 6 من سے زائد چرس،47 کلوگرام ہیروئن،4 کلوگرام سے زائد افیون،41 گرام کوکین،223 گرام آئس اور 10000 سے زائد شراب کی بوتلیں جبکہ ناجائز اسلحے کے زمرے میں 5 دستی بم،31 کلاشنکوف،20 بندوقیں ،543 پسٹل،38 خنجر اور 11000سے زائد روند برآمد کئے گئے، کار چوری کی مد میں 75 ملزمان گرفتار کرکے ان کے قبضہ سے11 کروڑ سے زائد مالیت کی کاریں اور موٹر
سائیکلیں برآمد کی گئیں،
سال رواں کے دوران 8 اندھے قتل کو ٹریس کرکے قتل میں ملوث ملزمان کو گرفتار کیا گیا ،ئی جی اسلام آباد کی سربراہی میں اسلام پولیس کی جرائم کے خلاف بہتر حکمت عملی کی وجہ سے وفاقی دارالحکومت کو ورلڈ کرائم انڈیکس رپورٹ کے مطابق 142 سے 72 درجہ بہتری کے ساتھ محظوظ ترین شہر قرار دیا گیا جب کے یو این او کی طرف سے 12 سال بعد اسلام آباد کا فیملی اسٹیشن کا درجہ بحال کیا گیا۔
آئی جی اسلام آباد محمد عامر ذوالفقار خان نے اسلام آباد پولیس کے تمام ڈویڑن کی کارکردگی کو سراہتے ہوئے افسران و جوانوں کو شاباش دی اور اس امید کا اظہار کیا کہ وفاقی دارالحکومت کو امن گوارہ بنانے کے لیے جرائم پیشہ افراد کے خلاف مزید موثر اقدامات اٹھائے جائیں گئے
