کراچی (رپورٹنگ آن لائن) پاکستان سٹاک ایکسچیبج میں ٹریڈنگ کا آغاز شدید مندی سے ہوا ہے۔
کاروباری ہفتے کے پہلے روز کاروبار کے آغاز میں سٹاک ایکسچینج میں شدید مندی دیکھنے میں آئی، جس کے باعث ہنڈرڈ انڈیکس 2700 سے زائد پوائنٹس مائنس ہو کر 1 لاکھ 79 ہزار 448 پوائنٹس کی سطح پر آگیا۔
یاد رہے کہ گزشتہ کاروباری ہفتے کے آخری روز کاروبار کے اختتام پر ہنڈرڈ انڈیکس 982 پوائنٹس اضافے کیساتھ ایک لاکھ 82 ہزار 241 پوائنٹس کی سطح پر بند ہوا تھا۔
دوسری جانب ایران اور امریکا کے درمیان بڑھتی ہوئی کشیدگی کے باعث ایشیائی سٹاک مارکیٹس میں بھی مندی کا رجحان دیکھنے میں آیا ہے۔
خبر ایجنسی کے مطابق جنوبی کوریا کے کوسپی انڈیکس میں 8 فیصد سے زائد کی گراوٹ دیکھی گئی، جبکہ جاپان کے نکی انڈیکس میں ڈھائی فیصد سے زیادہ کمی ریکارڈ کی گئی۔
چین کے شنگھائی کمپوزٹ انڈیکس میں 1.54 فیصد کی مندی ہوئی، جبکہ ہانگ کانگ کے ہینگ سینگ انڈیکس میں بھی معمولی گراوٹ دیکھے میں آئی ہے۔
