کوئٹہ (رپورٹنگ آن لائن)وزیرِ اعلیٰ بلوچستان سرفراز بگٹی نے کہا ہے کہ انصاف غالب آ گیا، عالمی ثالثی عدالت کا فیصلہ پاکستان کے قانونی موقف کی مضبوطی کا مظہر ہے۔ایک بیان میں انہوں نے کہا کہ عالمی عدالت نے واضح کر دیا ہے کہ بھارت سندھ طاس معاہدے کو یک طرفہ طور پر معطل یا ختم نہیں کر سکتا اور یہ معاہدہ بدستور نافذ العمل اور بھارت قانونی طور پر پابند ہے۔وزیرِ اعلیٰ نے کہا کہ معاہدے میں ترمیم یا خاتمہ صرف باہمی رضا مندی سے ممکن ہے۔
سرفراز بگٹی نے کہا کہ سندھ طاس معاہدے کا فیصلہ پاکستان کے دیرینہ آبی حقوق اور مفادات کے تحفظ کے لیے اہم ہے۔وزیرِ اعلی بلوچستان نے کہا کہ پاکستان آبی حقوق کے تحفظ کے لیے قانونی اور سفارتی فورم پر موثر کردار ادا کرتا رہے گا اور عالمی ثالثی عدالت کا فیصلہ پاکستان کے قانونی مقف کی مضبوطی کا مظہر ہے۔
