کراچی(رپورٹنگ آن لائن) سندھ ہائیکورٹ میں یوٹیوبر رجب بٹ کیخلاف حیدری تھانے میں درج مقدمے کی منتقلی سے متعلق درخواست سماعت کیلئے چار مئی کو مقرر کر دی گئی ۔سندھ ہائیکورٹ میں یوٹیوبر رجب بٹ کیخلاف حیدری تھانے میں درج مقدمے کی منتقلی سے متعلق درخواست ٍکی سماعت ہوئی۔
درخواست گزار کی جانب سے استدعا کی گئی کہ مقدمے کو کراچی سے باہر منتقل کیا جائے، جس پر عدالت نے درخواست گزار کی استدعا منظور کرلی۔عدالت نے درخواست کی سماعت چار مئی کو مقرر کر دی، اور فریقین کو آئندہ سماعت تک جواب جمع کروانے کی ہدایت کی۔
درخواست گزار کے وکیل نے موقف اختیار کیا کہ سٹی کورٹ میں پیشی کے موقع پر ضمانت کے باوجود رجب بٹ پر تشدد کیا گیا، جبکہ درخواست گزار کو کراچی میں پیش ہونے پر سیکیورٹی تحفظات ہیں۔وکیل نے عدالت سے استدعا کی کہ رجب بٹ کیخلاف کیس کراچی سے کسی اور شہر منتقل کیا جائے۔
