لاہور( رپورٹنگ آن لائن) فیڈرل بورڈ آف ریو نیو نے پیٹرول اور ڈیزل پر چلنے والی گاڑیوں پر نئی لیوی کے نفاذ کا نوٹیفکیشن جاری کردیا، 1300سی سی سے چھوٹی مقامی اور درآمدی گاڑیوں پر ایک فیصد لیوی نافذ کردی گئی،لیوی کو انرجی وہیکل آڈیپشن لیوی کا نام دیا گیا ہے۔
ایف بی آر کے مطابق لیوی کا مقصد پیٹرول، ڈیزل گاڑیوں کے استعمال کی حوصلہ شکنی ہے، 1300سی سی سے چھوٹی مقامی اور درآمدی گاڑیوں پر ایک فیصد لیوی نافذ کی گئی ہے، مقامی و درآمدی پک اپ گاڑیوں، بسوں اور ٹرکوں پر بھی ایک فیصد لیوی عائد ہوگی۔رپورٹ کے مطابق 1300سے 1800سی سی تک کی گاڑیوں پر 2فیصد انرجی وہیکل لیوی عائد ہوگی جبکہ 1800سی سی سے بڑی مقامی یا درآمدی گاڑیوں پر 3فیصد لیوی لاگو ہوگئی۔
ایف بی آر کے مطابق پاکستان میں مینوفیکچر یا اسمبلڈ شدہ گاڑیوں پر مینوفیکچرر لیوی ادا کرے گا، درآمدی گاڑیوں پر متعلقہ شخص انرجی وہیکل آڈیپشن لیوی ادا کرنے کا پابند ہوگا، لیوی کا مقصد الیکٹرک گاڑیوں کے استعمال کیلئے صارفین کو راغب کرنا ہے۔
