لندن (رپورٹنگ آن لائن) برطانیہ کے کنگ چارلس نے آنجہانی اہلیہ شہزادی ڈیانا کے بھائی کی تنقید کا غیر معمولی طور پر جواب دیتے ہوئے کہا ہے کہ غم انسان کی سوچ، فیصلہ کرنے کی صلاحیت اور یادداشت کو متاثر کر سکتا ہے۔
ان کا ردعمل ڈیانا کے بھائی چارلس سپینسر کی جلد شائع ہونے والی یادداشتوں پر سامنے آیا، ڈیانا کے بھائی نے 1997 میں ڈیانا کی موت کے بعد چارلس کے رویے کا ذکر کیا ہے، برطانوی اخبار ڈیلی میل آج سے اس کتاب کو قسط وار شائع کرنا شروع کرے گا۔چارلس سپینسر نے اپنی یادداشتوں میں دعویٰ کیا ہے کہ اس وقت کے شہزادہ چارلس نے ان سے کہا تھا یقین رکھیں ہم اسے جلد ہی بھول جائیں گے۔
یہ گفتگو اس وقت ہوئی جب دونوں کے درمیان اس بات پر اختلاف ہوا کہ ڈیانا کے بیٹے شہزادہ ولیم اور شہزادہ ہیری کو اپنی والدہ کے جنازے میں تابوت کے پیچھے چلنا چاہیے یا نہیں، سپینسر اس اقدام کے مخالف تھے۔
