تہران(رپورٹنگ آن لائن) ایران کی پارلیمنٹ کی قومی سلامتی اور خارجہ پالیسی کمیٹی کے سربراہ ابراہیم عزیزی نے امریکی افواج کو براہ راست خبردار کرتے ہوئے کہا ہے کہ انہیں ایران کے ممکنہ جوابی اقدامات سے بچنے کیلئے فوری طور پر نکل جانا چاہیے۔
سوشل میڈیا پر جاری بیان میں ابراہیم عزیزی نے امریکی افواج کو مخاطب کرتے ہوئے ایران کے سپریم لیڈر کی جانب سے دی گئی جوابی کارروائی کی دھمکیوں کا حوالہ دیا۔
انہوں نے لکھا اگر امریکی فوجی واقعی یہ سمجھتے کہ ہمارے دانشمند سپریم لیڈر کے ناقابلِ فراموش سبق سے کیا مراد ہے، تو وہ ایک لمحہ بھی ضائع کیے بغیر فرار ہونے کی کوشش کرتے۔
