بشکیک (رپورٹنگ آن لائن) چینی صدر شی جن پھنگ کی شنگھائی تعاون تنظیم کے 2026 کے سربراہی اجلاس میں شرکت اور کرغزستان کے سرکاری دورے کے موقع پر، چائنا میڈیا گروپ، کرغز نیشنل ٹیلی ویژن اینڈ ریڈیو براڈکاسٹنگ کارپوریشن اور کرغز نیشنل یونیورسٹی کی مشترکہ میزبانی میں کتاب “شی جن پھنگ: دی گورننس آف چائنا” کے حوالے سے منعقدہ بک شیئرنگ سیشن “چین کا طرزِ حکمرانی سمجھنا” پر خصوصی پروگرام نشر کیا گیا۔یہ پروگرام چائنا میڈیا گروپ کے تحت سی جی ٹی این کے روسی زبان کے چینل اور کرغز نیشنل ٹیلی ویژن اینڈ ریڈیو براڈکاسٹنگ کارپوریشن پر بیک وقت نشر ہوا۔
“چین کا طرز حکمرانی سمجھنا” کے عنوان سے منعقدہ بک شیئرنگ سیشن میں کرغزستان کے ریاستی سیکریٹری ارسلان کوئچیف اور کرغزستان کی سابق صدر روزا اوتونبایوا سمیت دیگر سیاسی شخصیات اور معروف اسکالرز کو مدعو کیا گیا۔ شرکاء نے یونیورسٹی کے طلبہ کے ساتھ “شی جن پھنگ: دی گورننس آف چائنا” کے مطالعے سے حاصل ہونے والے اپنے تجربات اور تاثرات کا تبادلہ کیا۔
اس پروگرام کے ذریعے عالمی مسائل سے نمٹنے اور ان کے حل کے حوالے سے چین کے تجربات اور عملی اقدامات کو اجاگر کیا گیا۔کرغزستان کی خبر نیشنل نیوز ایجنسی، کرغز نیوز نیٹ ورک، روسیسکایا گازیٹا، تاجکستان کی خاور نیشنل نیوز ایجنسی اور ایوستا نیوز ایجنسی، قازقستان کی انٹرنیشنل نیوز ایجنسی اور اخبار ڈیلووئے قازقستان، جبکہ ازبکستان کے سلک روڈ نیوز نیٹ ورک سمیت شنگھائی تعاون تنظیم کے رکن ممالک کے متعدد مین اسٹریم میڈیا اداروں نے بھی اس بک شیئرنگ سیشن کے حوالے سے رپورٹس نشر کیں۔
