بیجنگ (رپورٹنگ آن لائن) چائنا میڈیا گروپ اور چھونگ چھنگ میونسپل پیپلز گورنمنٹ کے زیر اہتمام پانچواں گلوبل میڈیا انوویشن فورم چھونگ چھنگ میں منعقد ہوا۔فورم میں مختلف ممالک کے سرکاری اداروں، بین الاقوامی تنظیموں، میڈیا اداروں، ملکی اور غیر ملکی تھنک ٹینکس، اور عالمی کمپنیوں کے تقریباً 300 نمائندوں نے شرکت کی۔
شرکاء نے کہا کہ مصنوعی ذہانت نے میڈیا کے ڈھانچے اور رائے عامہ کے ماحولیاتی نظام پر ہر پہلو سے گہرے اثرات مرتب کیے ہیں۔ خبر رسانی، ثقافتی تبادلوں اور عوامی خدمات کے شعبوں میں مصنوعی ذہانت کے جامع کردار کو بروئے کار لاتے ہوئے میڈیا کی جدت، تبدیلی اور تخلیقی صلاحیتوں کو مزید فروغ دینا ضروری ہے۔
شرکاء نے کہا کہ انسانی معاشرے کی مشترکہ اقدار کے فروغ کے لیے مل کر کام کرنا چاہیے، مصنوعی ذہانت کی عالمی حکمرانی کے حوالے سے بین الاقوامی اتفاق رائے قائم کرنا چاہیے، اور ڈیجیٹل و مصنوعی ذہانت کی ٹیکنالوجیز کو انسانیت کی فلاح وبہبود کے لیے بروئے کار لاناچاہیے۔
اس موقع پر شرکاء نے اس بات پر بھی زور دیا کہ گلوبل سیولائزیشن انیشی ایٹو کو نافذ کرنا چاہیے، تہذیبوں کے درمیان آن لائن تبادلہ خیال اور باہمی سیکھ کے پلیٹ فارمز کی فعال تعمیر ہونی چاہیے اور عوامی رابطوں کو فروغ دینا چاہیے۔
