بیجنگ (رپورٹنگ آن لائن) آبنائے تائیوان کےدونوں کنارو ں کے درمیان مربوط ترقی کے نمائشی زون کی تعمیر سے متعلق ایک خصوصی اجلاس چین کے صوبہ فو جیان کے شہر شیا مین میں منعقد ہوا۔
پیر کے روز کمیونسٹ پارٹی آف چائنا کے سیاسی بیورو کی قائمہ کمیٹی کے رکن اور چینی عوامی سیاسی مشاورتی کانفرنس کی قومی کمیٹی کے چیئرمین وانگ حونینگ نے اجلاس میں شرکت کی اور خطاب کیا۔ انہوں نے کہا کہ سی پی سی کی بیسویں مرکزی کمیٹی کے چوتھے کل رکنی اجلاس کے روح ، صدر شی جن پھنگ کے جزیرہ تائیوان سے متعلق اہم بیانات اور نئے دور میں جزیرہ تائیوان کے حل سے متعلق پارٹی کی مجموعی حکمتِ عملی پر عمل کرتے ہوئے، آبنائے تائیوان کےدونوں کناروں کے درمیان مربوط ترقی کے نمائشی زون کی تعمیر کو اعلی معیار کے ساتھ آگے بڑھایا جانا چاہیے، تاکہ “پندرہویں پانچ سالہ منصوبہ” کے دوران دونوں کناروں کی مربوط ترقی میں نمایاں نتائج حاصل کیے جا سکیں۔
وانگ حو نینگ نے کہا کہ نمائشی زون کی تعمیر کے عمل میں اہم شعبوں پر توجہ مرکوز کرنی چاہیے، پالیسیوں اور نظام میں جدت لانی چاہیے اور اصلاحات و آزمائشی اقدامات کے ذریعے نئے تجربات کرنے چاہئیں۔انہوں نے کہا کہ دونوں کناروں کے درمیان تبادلوں اور تعاون کو فروغ دینے والی پالیسیوں اور اقدامات کو بہتر بنانا، کاروباری ماحول کو سازگار بنانا، صنعتی تعاون کو مضبوط کرنا اور چین کے جزیرہ تائیوان کے ہم وطنوں اور کاروباری اداروں کو مزید سہولتیں اور ترقی کے بہتر مواقع فراہم کرنا ضروری ہے۔
انہوں نے مزید کہا کہ چینی ثقافت کے مشترکہ رشتے کو مزید مستحکم کیا جائے،جزیرہ تائیوان کے نوجوانوں کے لیے چائینیز مین لینڈ میں روزگار اور ترقی کے راستے وسیع کیے جائیں، اور تبادلوں ، میل جول اور باہمی تعاون کے ذریعے خاندانی جذبات اور باہمی اعتماد کو فروغ دیا جائے۔
