لاہور(رپورٹنگ آن لائن) پاکستان تحریک انصاف کے چیئرمین عمران خان نے کہا ہے کہ فردوس شمیم نقوی 27 سال پہلے میرے ہمسفر اور پاکستان کو ایک منصفانہ اور انسانی اقدار پر مبنی سماج کی صورت میں ڈھالنے کے خواب میں میرے شراکت دار بنے،انہوں نے جدوجہد کے تمام نشیب و فراز کا پوری ثابت قدمی سے سامنا کیا۔
اپنے بیان میں عمران خان نے کہا کہ ایمان کی پختہ بنیادوں پر استوار مضبوط کردار ہی تھا جو بہت سی مایوسیوں کے باوجود ثابت قدمی کا وسیلہ بنا، فردوس شمیم نقوی کینسر سے شفایابی کے مراحل میں ہیں،فردوس شمیم نقوی نے کینسر مرض کا بھی پورے وقار اور ہمت سے مقابلہ کیا، ایسے شخص کو دہشتگردی کے الزام میں زندان میں ڈال کر اہل اقتدار نے ظاہر کیا ہے کہ کس قدر گراوٹ کے شکار ہیں۔
