اسلام آباد(رپورٹنگ آن لائن)نائب وزیراعظم و وزیر خارجہ محمد اسحاق ڈار اور بحرین کے وزیر خارجہ ڈاکٹر عبداللطیف بن راشد الزیانی کے درمیان ٹیلی فونک رابطہ ہوا۔
ترجمان دفتر خارجہ کے مطابق بحرین کے وزیر خارجہ نے مکہ مشترکہ دفاعی معاہدے پر نائب وزیراعظم اسحاق ڈار کو مبارکباد دی۔بحرینی وزیر خارجہ نے مستقبل قریب میں پاکستان کے دورے کا ارادہ بھی ظاہر کیا، جس کا نائب وزیراعظم اسحاق ڈار نے خیرمقدم کیا۔
نائب وزیراعظم نے کہا کہ پاکستان خطے اور دنیا میں امن و استحکام کے لیے مذاکرات اور سفارت کاری کے فروغ کے عزم پر قائم ہے۔
