روس

امریکی میزبانی میں کانفرنس ملکوں کو تقسیم کرنے کیلئے ہے، روس

ماسکو (رپورٹنگ آن لائن)روس نے کہا ہے کہ امریکا کی میزبانی میں ہونے والی جمہوریت کانفرنس ملکوں کو تقسیم کرنے کے لیے ہے، امریکا اپنی رائے کے حساب سے اچھے ممالک اور برے ممالک کی تقسیم چاہتا ہے۔ترجمان کریملن نے کہا کہ امریکا اپنی ترجیح کے مطابق تقسیم کی نئی لائنیں بنانا چاہتا ہے اور جمہوریت کی اصطلاح کو اپنی مرضی کے معنی دینا چاہ رہا ہے جو ہو نہیں سکتا اور ہونا بھی نہیں چاہئے۔

واضح رہے کہ امریکا کی میزبانی میں جمہوریت پر 9 اور 10 دسمبر کو ہونے والی ورچوئل کانفرنس میں روس کو مدعو نہیں کیا گیا ہے۔جمہوریت کانفرنس میں پاکستان سمیت 110 ممالک کو مدعو کیا گیا ہے۔