لاہور(رپورٹنگ آن لائن)معروف اداکارہ میزبان سیماب مظفر کی جلد دوبارہ شوبز انڈسٹری میں واپسی ہو گی اور وہ ٹی وی ڈراموں سمیت دیگر ثقافتی سرگرمیوں میں حصہ لیں گی ۔ نامور اداکارہ سیماب مظفر ان دنوں امریکہ میں مقیم ہیں ۔گفتگو کرتے ہوئے انہوں نے بتایا کہ امریکہ میں مقیم ہونے کی وجہ سے پاکستانی ڈراموں سمیت دیگر پروجیکٹس میں حصہ نہیںلے سکی ،مجھے گزشتہ کئی سالوں سے متعدد بار پیشکش ہو چکی ہیں مگر ذاتی مصروفیات اورشادی شدہ زندگی کی وجہ سے کام نہ کر سکی ۔
اب مجھے دوبارہ ایک اچھی پیشکش ہوئی ہے جسے میں نے قبول کرلیا ہے اور بہت جلد پاکستان میںبڑے پروڈکشنز کے ساتھ مختلف پروجیکٹس میں حصہ لوں گی جبکہ کچھ چینلز کی جانب سے پروگرامز کی میزبانی کی بھی پیشکش ہوئی ہے ۔انہوں نے بتایا کہ ماضی میں لیجنڈ میزبان مصنف رائٹر مستنصر حسین تارڑکے ساتھ بطور میزبان شادی ان لائن میں حصہ لے چکی ہوں جو تین سال سے زیادہ عرصہ آن ائیر رہا جبکہ خبرناک، سیاسی تھیٹر،دنیا جی ٹی روڈ،میں کام کیاجبکہ ڈرامہ سیریل مجھے اپنا نام و نشان ملے،
افسر بیکار خاص ، راستہ دے زندگی،سمیت دیگر ایوارڈ یافتہ ڈرامے شامل ہیں جن میں لیجنڈ اداکار عابد علی، عرفان کھوسٹ ، جمیل فخری، ثانیہ سید، سرمد کھوسٹ ، سہیل سمیر ، نادیہ افگن سمیت ملک کے نامور فنکاروں کے ساتھ کا م کا نہایت خوشگوار تجربہ رہا۔ انہوں نے کہا کہ اب کوشش ہے کہ ہالی وڈ میں اپنی ثقافتی سرگرمیوں کو متعارف کرائوںجس کیلئے کچھ ہالی وڈ کمپنیز کے ساتھ بات چیت جاری ہے اورامید ہے جلد وہاں سے بھی خوشخبری ملے گی ۔
٭٭٭
