بیجنگ (رپورٹنگ آن لائن) فلپائن کے وزیر دفاع نے حال ہی میں جزیرہ زونگ یے پر ” بحیرۂ جنوبی چین ثالثی فیصلے” کی دسویں برسی کے حوالے سے ایک یادگاری سرگرمی میں شرکت کی۔ جمعہ کے روز چینی وزارت دفاع کے ترجمان، سینئر کرنل جیانگ بن نے کہا کہ چین کو جزیرہ زونگ یے سمیت نان شا جزائر اور ان سے ملحقہ پانیوں پر ناقابل تردید خودمختاری حاصل ہے۔
نام نہاد ” بحیرۂ جنوبی چین ثالثی مقدمے” کا فیصلہ قطعی طور پر کوئی قانونی اثر نہیں رکھتا۔انہوں نے کہا کہ چین اس نام نہاد “فیصلے” کی بنیاد پر کیے جانے والے کسی بھی دعوے یا اقدام کو نہ تو تسلیم کرتا ہے اور نہ ہی قبول کرتا ہے۔
فلپائن میں کچھ لوگ خواہ جس طرح کی بھی سیاسی شعبدہ بازی کریں، وہ اس تاریخی اور قانونی حقیقت کو تبدیل نہیں کر سکتے کہ متعلقہ جزائر اور چٹانیں چین کا حصہ ہیں، اور نہ ہی قومی خودمختاری اور سمندری حقوق و مفادات کے تحفظ کے لیے چینی فوج کے پختہ عزم کو متزلزل کر سکتے ہیں۔
