سیالکوٹ(رپورٹنگ آن لائن)سانحہ سیالکوٹ کے ملزمان کا ٹرائل جیل میں کروانے کا فیصلہ کر لیا گیا، سیالکوٹ میں تشدد سے ہلاک کیے گئے سری لنکن شہری کے قتل کا مقدمہ جیل میں چلایا جائے گا ، ملزمان کے ٹرائل جیل میں کروانے کا فیصلہ ا من وامان کی صورتحال کے باعث کیا گیا ہے،
پراسیکیوشن اور پنجاب حکومت کے اجلاس میں ملزمان کے جیل ٹرائل کا فیصلہ کیا گیا، جیل انتظامیہ کو انتظامات مکمل کرنے کی ہدایات جاری کر دی گئیں ،دوسری جانب پولیس حکام کوجلد از جلد چالان مکمل کرکے عدالت میں جمع کروانے کی ہدایت بھی کی گئی ہے،پولیس کے مطابق اب تک گرفتار کیے گئے ملزمان میں 34مرکزی ملزم شامل ہیں۔ملزمان کو سی سی ٹی وی فوٹیج اور موبائل کالز ڈیٹا کی مدد سے گرفتار کیا گیا ہے۔
