کراچی(رپورٹنگ آن لائن)شوبز انڈسٹری کی سینئر اداکارہ صبا فیصل نے خوشگوار ازدواجی زندگی گزارنے کیلئے اہم مشورہ دے دیا۔صبا فیصل نے اپنے ٹک ٹاک اکاؤنٹ پر ازدواجی زندگی سے متعلق مشورہ شیئر کیاجس میں انہوںنے کہاکہ جیسا کہ آپ سب جانتے ہیں میری شادی ماموں کے بیٹے سے ہوئی، ماموں اور میری والدہ کے درمیان ایک خوبصورت رشتہ تھا لیکن میری شادی کے بعد یہ بڑا خوف تھا کہ اس نئے رشتے کی وجہ سے ان کا آپسی بندھن متاثر نہ ہو جائے۔
انہوں نے بتایا کہ اس کے برعکس یہ رشتہ مزید مضبوط ہو گیا اور وقت کے ساتھ وہ ایک دوسرے کے قریب تر ہو گئے، میرے ماموں کی وفات تک میری والدہ ان سے بے حد محبت کرتی رہیں، نئے رشتے بناتے وقت یہی مقصد ہونا چاہیے، پرانے رشتے متاثر نہیں ہونے چاہئیں بلکہ خاندانوں کو ایک دوسرے کے قریب آنا چاہیے اور لوگوں کے درمیان محبت بڑھنی چاہیے۔اداکارہ نے کہاکہ بہن، بھائیوں کی محبت انمول ہے اور نئے رشتوں کو اس میں اضافہ کرنا چاہیے۔
