لاہور (رپورٹنگ آن لائن) سابق وزیراعظم اور پاکستان پیپلز پارٹی وسطی پنجاب کے صدر راجہ پرویز اشرف نے کہا ہے کہ ”آپریشن بنیان مرصوص”محض فوجی کارروائی نہیں بلکہ حق و باطل اور قومی اتحاد کا معرکہ تھا،ہماری بری، بحری، فضائی اور سائبر افواج نے دشمن کے دانت کھٹے کر دئیے۔
معرکہ حق کا ایک سال مکمل ہونے پر اپنے پیغام میں راجہ پرویز اشرف نے کہا کہ بھارت کے رافیل طیاروں کی تباہی نے اسے دنیا بھر میں رسوا کر دیا اورسائبر محاذ ہو یا سفارتی محاذ ،مودی حکومت کو ہر جگہ منہ کی کھانا پڑی۔
انہوں نے کہا کہ معرکہ حق نے ثابت کیا کہ قوم، حکومت اور افواج متحد ہوں تو فتح ملتی ہے۔معرکہ حق کا ایک برس مکمل ہونے پر ہم اپنے شہدا اور غازیوں کو سلام پیش کرتے ہیں۔اللہ پاک ہماری افواج کو ہمیشہ فاتح اورپاکستان کو مزید مضبوط بنائے۔
