مکو آ نہ (رپورٹنگ آن لائن)مرکز قومی بچت کے زیر اہتمام 1500اور100روپے مالیت کے قومی انعامی بانڈز کی قرعہ اندازیاں 17 نومبر بروزسوموار صبح 9 بجے ہوں گی۔
سنٹرل ڈائریکٹوریٹ آف نیشنل سیونگزکے ترجمان کے مطابق سٹیٹ بینک راولپنڈی میں منعقد ہونے والی1500 روپے مالیت کے انعامی بانڈز کی قرعہ اندازی مجموعی طورپر104ویں قرعہ اندازی ہے جس کا پہلا انعام 30 لاکھ روپے کا ایک، دوسراانعام 10لاکھ روپے کے 3اور تیسرا انعام 18500روپے مالیت کے 1696انعامات ہیں۔انہوں نے بتا یاکہ مذکورہ انعامی بانڈز کی سیریز پر کل 1700 انعامات دیئے جائیں گے۔
انہوں نے بتایا کہ100روپے مالیت کے سٹوڈنٹس ویلفیئر بانڈز کی قرعہ اندازی بھی17نومبر کوحیدرآباد میں ہوگی جس کاپہلا انعام7لاکھ روپے کاایک، دوسرا انعام 2لاکھ روپے کے3 اور تیسرا انعام ایک ہزارروپے مالیت کے 1199 انعامات ہوں گے۔انہوں نے بتایا کہ یہ مجموعی طور پر52 ویں قرعہ اندازی ہو گی۔انہوں نے بتایا کہ انعامی بانڈز کی قرعہ اندازیوں کی تقریبات میں مختلف مکاتب فکر کی اہم شخصیات شرکت کریں گی۔
