تل ابیب (رپورٹنگ آن لائن )یہودی قابضین (بادکار)آنے والے ہفتوں میں مسجدِ الاقصی پر غیر قانونی دھاوا بول سکتے ہیں۔اسرائیلی میڈیا کے مطابق اسرائیلی حکومت مسجد الاقصی پر یہودی قابضین کے غیر قانونی دھاوے کو مالی معاونت کرے گی۔یہودی آبادکاروں کی مدد کیلیے اسرائیلی وزارتِ میراث پانچ لاکھ 45 ہزار امریکی ڈالر مختص کرے گی۔
اسرائیلی وزارتِ میراث مسجدِ الاقصی پر غیر قانونی دھاوے کے سلسلے میں پولیس اجازت کیلیے قومی سلامتی کی وزارت سے رابطے میں ہے۔اسرائیلی ریڈیو کو انٹرویو میں اسرائیلی وزیر قومی سلامتی بین گویر نے مسجدِ اقصی کے اندر یہودی عبادت گاہ تعمیر کرنے کا اعلان کیا۔اس بدنام زمانہ تشدد پسند اسرائیلی وزیر کا مزید کہنا تھا کہ مسجد الاقصی کے اندر یہودیوں کو عبادت کی اجازت دینا ہمیشہ سے میری پالیسی رہی ہے اور وزیراعظم نیتن یاہو کو اس پالیسی کا علم تھا۔
