اسلام آباد(رپورٹنگ آن لائن ) وزیر مملکت اطلاعات فرخ حبیب نے کہا ہے کہ کنٹونمنٹ انتخابات میں عوام نے ملک گیر وزیراعظم عمران خان پر بھرپور اعتماد کا اظہار کیا۔
پیر کو سماجی رابطے کی ویب سائٹ پر اپنے بیان میں انہوںنے کہا کہ ایک بار پھر پی ٹی آئی سب سے زیادہ نشستوں کے ساتھ سرفہرست بلکہ واحد قومی پارٹی کے طور پر ابھر کر سامنے آئی، جس نے تمام صوبوں میں نمائندگی حاصل کی ہے، مسلم لیگ ن اور پیپلز پارٹی سکڑ کر علاقائی جماعتیں بن چکی ہے۔
فرخ حبیب کا کہنا تھا کہ بلوچستان میں مسلم لیگ ن ایک بھی سیٹ نہ جیت سکی، سندھ میں مسلم لیگ ن کا پانچواں نمبر رہا، پیپلز پارٹی پنجاب اور بلوچستان میں ایک بھی سیٹ حاصل نہ کرسکی۔
