پنوم پن (رپورٹنگ آن لائن)چائنا میڈیا گروپ، کمبوڈیا میں چینی سفارت خانے اور رائل اکیڈمی آف کمبوڈیا کی مشترکہ میزبانی میں “چین کی گورننس اور عالمی ترقی” کے موضوع پر بین الاقوامی مکالمے کا کمبوڈیا سیشن دارالحکومت پنوم پن میں منعقد ہوا۔ تقریب میں کمبوڈیا کے تھنک ٹینکس، ذرائع ابلاغ اور صنعتی و کاروباری شعبوں سے وابستہ شخصیات، جامعات کے اساتذہ اور طلبہ سمیت 150 سے زائد مہمانوں نے شرکت کی۔
کمیونسٹ پارٹی آف چائنا کی مرکزی کمیٹی کے شعبۂ تشہیر کے نائب سربراہ اور چائنا میڈیا گروپ کے صدر شین ہائی شیونگ نے تقریب سے ویڈیو خطاب کیا۔ انہوں نے کہا کہ سی پی سی کی بیسویں مرکزی کمیٹی کے پانچویں کل رکنی اجلاس نے دنیا کو ایک واضح اور مضبوط پیغام دیا ہے کہ پارٹی اعلیٰ معیارات اور مزید ٹھوس اقدامات کے ذریعے اپنی تنظیمی تعمیر کو مضبوط بنائے گی۔شین ہائی شیونگ نے کہا کہ چائنا میڈیا گروپ “سی پی سی کی گورننس” کے ذریعے “چین کی گورننس” کے عملی تجربات دنیا کے ساتھ شیئر کرنے کے لیے اعلیٰ معیار کے پروگرام تیار کرے گا۔
